කැලණිය විජය වීරසේකර සහෝදරයාගේ අභාවය පිලිබඳව අපගේ ආචාරය
විජය වීරසේකර සහෝදරයා වාමාංශික විප්ලවකාරී දේශපාලනය තම දර්ශනය කර ගෙන ජීවන රටාව වෙනස් කරගත් අයෙකි. මාක්ස්වාදී දර්ශනය පිලිබඳව දැඩි විශ්වාසයකින් යුතුව හැදෑරු ඔහු සමාජය වෙනස් කිරීම තම ජීවන පරමාර්ථය ලෙස සලකා තම ජීවන පැවැත්මද වෙනස් කර ගත් අයෙකි. අනාගත ලෝකයේ වෙනස්වීම් ගැන අනෙක් සගයන් වෙත උපදෙස් දෙමින් නිරන්තරයෙන් වාදවිවාදයන්ට එලඹීම හා තියුණු වාග් ප‍්‍රහාරයන්ගෙන් ප‍්‍රතිවාදීන් මෙල්ල කර ගැනීමේ සුවිශේෂ දක්ෂකම් රැසක් විජයගේ චරිතය තුල දිස්විය. ආහාර දෙපාර්තමේන්තුවේ කළමනාකරණ සහකරුවෙක් ලෙස සිටිමින් 1980 මහ වැඩවර්ජනයට එක්වූ විජය නව සමසමාජ පක්ෂයේ මධ්‍යම කාරක සභිකයෙක් මෙන්ම කැළණිය ශාඛාවේ ලේකම්වරයාද විය. රජයේ ලිපිකරු සේවා සංගමයේ මධ්‍යම කාරක සභිකයෙක් ලෙසද කටයුතු කලේය. 1983 ජූලි කලබල…
